Mark 1:13 - Sa Ugud Apudyus

¹³ Inninggaw atte bumbummaaw aḵ opat puḻu we aḻgaw. Ḵad sadi timpu we pinadas Satan sinulisug. Awad os sidi da tanane ayam yaḵon inninggaw da anghel we bummadang ḵan siya.

Mark 1:13 Referans Kwoze

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Matthew 26:53

Adimpun ḵamman igammu we maḵwa ampabadangaḵ ḵan Apudyus we amaḵ ḵad daguse nangibuun aḵ ḵalibulibu we anghel?

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

Luke 4:1

Nabonyagan ḵad aḵ Jesus, ummoyone naḻpu'tte tawwang Jordan. Pun inniinggaw ḵabooḻan ni Ispiritu Santu ḵan siya woḵ impuyutna'tte bumbummaaw.