Mark 1:1 - Sa Ugud Apudyus

¹ Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari.

Mark 1:1 Referans Kwoze

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

Matthew 14:33

Pun awad ay osa ḵan didae inninggaw si bangka nandayaw ḵan siya, ḵananda, “Tuttuwae siḵa Abeng Apudyus.”

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 1:34

Innilaḵe mismu, pun panoḵnoḵaḵe siya tuttuwae Abeng Apudyus.”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

Acts 13:24

Sa daan Jesus angisaḻdane antuttudu, inggaw aḵ John we nangiwaḻagawag atta losane ganaḵ Israel we ḵasapuḻane ibabawida da basuḻda ya agaydae angwa ya ampabonyagda.