Luke 9:6 - Sa Ugud Apudyus

⁶ Pun nallibbat da disipuluna woḵ nanggaḵayda'tta losane ili ta iwaḻagawagda Ambaḻu we Damag ya ḵaanonda da saḵit.

Luke 9:6 Referans Kwoze

Acts 5:15

Pune sadi nan-iyoyda'tta nasaḵit si ḵaḻsa ya pinaobogda dida'tta ḵama ḵan oboḵda te nu lumaus aḵ Peter, taḵon ay nu abuse maidunganda'tte aniniwanna, maḵaan da saḵitda.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Mark 16:20

Pun ummoy da disipuluna iwwaḻagawag Ambaḻu we Damag atta losane ili woḵ binadangan Apu dida. Pune sadi, pinanoḵnoḵana ḵinatuttuwaan ni tuttududa'tta nakaskasdaawe sinyale impaḵwana ḵan dida.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.