Luke 9:5 - Sa Ugud Apudyus

⁵ Nu awad ili'ḵ ayanyu ya adidapun diḵayu mangiliyon, tenanyu. Ḵad nu inḵayun, ipaḻpagyu da gabu'tta dapanyu ta igammuwondae dida asi ḵigad si madusaanda te adidapun dingngoḻ diḵayu.”

Luke 9:5 Referans Kwoze

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Acts 13:51

Pun impaḻpagda da gabu'tta dapanda ta angigammuwan da umili ye ḵigadda'tte madusaanda. Pun ummoyda'd Iconium.

Mark 6:11

Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”

Luke 10:16

Ḵanan Jesus we nangiyanungus atta disipuluna, “Ngaimane andongoḻ ḵan diḵayu, saḵon dingngoḻna. Ḵad sa angidiyan ḵan diḵayu, saḵon idiyanna. Ḵad sa angidiyan ḵan saḵon, idiyanna bos nangibuun ḵan saḵon.”

Luke 9:48

Ḵanana ḵan dida “Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon. Ngaimane ḵababaan ḵan diḵayu losan, siya ḵangatuwan.”

Mark 9:37

“Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.”

Luke 5:14

Ḵanan Jesus, “Inḵa ampaila si padi ta panoḵnoḵanae naḵaan leprosym. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we tuttuwae naḵaan. Malaksid atte padi, adim paat ibaga ḵingwaḵ ḵan siḵa'tta ngaiman.”

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Luke 9:4

Ngaimane ammangili ḵan diḵayu si boḻoyda, inggaw ḵayu inggana'ḵ tenanyu sadi ye ili.