Luke 9:44 - Sa Ugud Apudyus

⁴⁴ “Adiyu maliwatan da ibagaḵ ḵan diḵayu, saḵone Abeng Di Tagu, mipuḻangaḵ atta ḵabusuḻḵu si umali ye aḻgaw.”

Luke 9:44 Referans Kwoze

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Luke 9:22

Ḵanan Jesus, “Saḵone Abeng Di Tagu, ḵasapuḻane ampaḵaḻamaḵ. Idiyanaḵ atta pallakayon da Judyu, da papangat da papadi ya da mimistulun ni lintog ya gongatonaḵ. Yaḵon sa miḵaḵlu we aḻgaw, taguwon Apudyus saḵon.”

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

Luke 2:19

Yaḵon aḵ Mary ḵad, insisimoḵna da losane naḵwa wok pinopomponna si somsomoḵna.

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

John 16:4

Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu. “Adiḵpun imbaga da anna ḵan diḵayu si laplapu te inninggawaḵ ḵan diḵayu.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Luke 18:31

Pun imbattawana da nasawaḻan aḵ duwae disipuluna woḵ ḵanana ḵan dida, “Dongngonyu! Sinsadi anagada taḵu'd Jerusalem, ḵad da losane inggilin da profeta si mipanggob ḵan saḵone Abeng Di Tagu, mituttuwada.

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

Luke 1:66

Pun ḵinuttuḵuttumda da losane dingngoḻda woḵ ḵanandae nan-asiimus, “Ngai nin ay ambanagan ni andi ye abeng?” Te immatunandae iinggaw ḵabooḻan Apudyus ḵan siya.

Mark 9:31

te nantuttudu'tta disipuluna. Ḵanana, “Saḵone Abeng Di Tagu, mipuḻangaḵ atta ḵabusuḻḵu ya gongatonda saḵon yaḵon umuliyaḵ atte miḵaḵlu we aḻgaw.”

Mark 8:31

Pune sadi insaḻad Jesus we nangituttudu'tta disipuluna nu ngai maḵwa ḵan siya'tte umali ye aḻgaw. Ḵanana, “Saḵone Abeng Di Tagu, ḵasapuḻane ampaḵaḻamaḵ. Da pallakayon da Judyu, da papangat da papadi ya da mimistulun ni lintog, idiyanda saḵon ya gongatonaḵ. Ḵad sa miḵaḵlu we aḻgaw, mataguwaḵ ḵasin.”

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

John 16:31

Ḵanan Jesus ḵan dida, “Amati ḵayu ḵamman sinsadi?