Luke 9:41 - Sa Ugud Apudyus

⁴¹ Ḵanan Jesus atta tagu, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abengnu ḵan saḵon.”

Luke 9:41 Referans Kwoze

John 20:27

Pun ḵanana ḵan Thomas, “Ilam da imaḵ ya appadam dida. Uyadom imam ya iggam atte sugat ni butiḵḵu. Adiḵa ogon anduwaduwa yaḵon amatiḵa.”

John 14:9

Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

Mark 9:19

Ḵanan Jesus, “Diḵayu we ippun pammatiyu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Pun ḵanana'tte aman ni abeng, “Idatongnu abeng ḵan saḵon.”

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

Hebrews 3:19

Ḵad inigammu taḵu we adidapun maḵaḻnoḵ atte lugar we umillongane insaganan Apudyus gapu ta adidapun namati.

Romans 2:4

Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

Acts 13:18

Sa inggawanda si bumbummaaw atte opatpuḻu we tawon, inan-anusana dida ya inayyuwanana dida.

Acts 2:40

Adu we ugud imbagbagan Peter ḵan dida woḵ ḵananae nandagdagu, “Iligsiyu long-agyu si annae lunap!”

Luke 8:25

Ḵanana'tta disipulu, “Naippun ḵamman os ay pammatiyu?” Naḵimtanda woḵ nataagda. Ḵananda, “Atopay! Ngai nin ay anna? Taḵon ay bibbid ya da tupiyaḵ bilinona dida ya tumuttuwada ḵan siya!”

Matthew 16:4

Lawwelawweng ḵayu we tagu sinsana te nan-awidanyu'ḵ Apudyus. Ipatutyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah si awe.” Imbagan ḵad Jesus ḵaḵna, ummoyon.

Matthew 12:39

Yaḵon ḵanan Jesus ḵan dida, “Diḵayu we tagu si sanae lunap, lawwelawweng ḵayu te nan-awidanyu'ḵ Apudyus. Ḵodaḵodawonyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah.

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Mark 10:49

Dingngoḻ ḵad ay Jesus, nansadang woḵ ḵanana, “Ayaganyu!” Pun ummoyda inayagan woḵ ḵananda, “Tumuḻodḵa! Tumaḵdogḵa te aḵ Jesus nampaayag ḵan siḵa.”

Mark 10:14

Yaḵon summanga'ḵ Jesus woḵ ḵanana, “Iyunudyu we umali da abeng ḵan saḵon. Adiyu paadiyon dida te da tagu we isuda da midoga'tte ampangatan Apudyus.

Matthew 23:36

Ibagaḵ ḵan diḵayu ḵatuttuwaan, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.”

Matthew 12:45

Ḵad umoyna ayagan da pitu we aḻane daldallu lawwengda nu siya ta miḵamboḻoyda. Ḵad amo ḵaddagu sadi ye tagu nu sa damu. Ḵaḵna maḵwa'tta tagu si sanae lunap.”

Matthew 11:28

“Diḵayu losane naayong ḵan ampaḵaḻam, awwayyu ḵan saḵon ta paillongoḵ diḵayu.

Luke 9:40

Nandagdaguwaḵ atta disipulum ta paḻyawonda aḻan ḵan siya yaḵon adidapun lamog.”

Luke 9:42

Ummadani ḵad abeng, pinittuwaḵ ni aḻan woḵ nabilaw. Yaḵon sinuppaḵan Jesus ḵan pinaḻyawna aḻan woḵ lummin-awa abeng. Pun innatod Jesus si amana.