Luke 9:32 - Sa Ugud Apudyus

³² Ḵad amod suyop da Peter yaḵon bummangonda ḵad, innilada'ḵ Jesus we nallangḻang ya da duwae tataḵdog atte daḻnigna.

Luke 9:32 Referans Kwoze

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

Mark 14:40

Nipauli ḵad atta disipuluna, anna bose nasuyopda te adidapun maḵaanuse mapuyatan. Pun ippun igammuda si isongbatda ḵan siya.