Luke 9:2 - Sa Ugud Apudyus

² pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Luke 9:2 Referans Kwoze

Luke 10:9

Ḵaanonyu da saḵit ya iwaḻagawagyu'tta tagu we gattoḵe sinsadi awad ḵan diḵayu ampangatan Apudyus.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Luke 9:11

Dingngoḻ ḵad da amoamode tagu ummayan da Jesus, tinun-udda dida. Pun inayagana dida woḵ intuttuduna mipanggob atte ampangatan Apudyus ya sa inonae angaan atta saḵit.

Mark 6:12

Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa.

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 10:11

‘Taḵon ay gabun ni iliyu we anna'tta dapanni, ipaḻpagni ta angigammuwanyu we diḵayu asi ḵigad si madusaanyu. Yaḵon aaddi ye igammuwonyu we sinsadi gattoḵe awad oḵyan ḵan diḵayu ampangatan Apudyus.’

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Luke 10:1

Nagangput ḵad, pinilin Jesus da pitumpuḻu ya duwa'tta udume disipuluna. Sinindodwana dida imbuun ta umoyda umuna antuttudu'tta ili ye ayana.

Matthew 10:5

Imbuun Jesus da nasawaḻan aḵ duwae apostolna woḵ ḵananae namilibilin ḵan dida, “Adiyu ayon da daḻane umoyon atta ilin da Gentil ya da daḻane umoyon atta ilin da iSamaria.