Luke 9:16 - Sa Ugud Apudyus

¹⁶ Pune sadi, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna tinapay ḵan ugadiw woḵ innatodna'tta disipuluna ta iwaḻasda.

Luke 9:16 Referans Kwoze

Matthew 14:19

Pun binilinna da tagu ta tumuḵduda si lullumun woḵ innaḻana limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna tinapay ya da ugadiw woḵ innatodna'tta disipuluna ta iwaḻasda.

Luke 24:30

Tummuḵduda ḵade angan, innaḻan Jesus tinapay, nanggappiya ḵan Apudyus woḵ binisbisaḵna woḵ innatodna ḵan dida.

Matthew 15:36

Innaḻana pitu we tinapay ya da ugadiw woḵ nanggappiya ḵan Apudyus. Naabus ḵad, binisbisaḵna dida woḵ innatodna'tta disipuluna ta iwaḻasda'tta amode tagu.

Romans 14:6

Sa tagu we patgana osae aḻgaw, ḵoona ḵatti aḵ anayawana ḵan Apudyus. Isun os ni osae angan atta baḻangnae maḵan, ḵanona'ḵ anayawana ḵan Apudyus te anggappiyaana ḵan siya. Ḵad isun os ni adi angan atta baḻangnae maḵan, ḵoona ḵatti'ḵ anayawana ḵan Apudyus te anggappiyaana ḵan siya.

Acts 27:35

Naabus ḵade imbagan Paul sadi, innaḻana tinapay woḵ nanggappiya ḵan Apudyus si sinagung da losan. Pun binisbisaḵna woḵ insaḻadnae nangan.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

John 6:11

Pune sadi, innaḻan Jesus tinapay woḵ nanggappiya ḵan Apudyus. Nagangput ḵad, impaiwaḻasna'tta disipuluna. Ḵaḵna bos ḵingwana'tte ugadiw. Impaiwaḻasna inggana'ḵ nassugda.

Luke 22:19

Pun innaḻana bos tinapay woḵ nagangput ḵad nanggappiya ḵan Apudyus, binisbisaḵna woḵ ḵananae nangitod ḵan dida, “Sana long-agḵu we ittoḵ ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

1 Corinthians 11:24

woḵ nanggappiya ḵan Apudyus. Binisbisaḵna woḵ ḵanana, “Annaya long-agḵu we midatun para ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.”

1 Corinthians 10:30

Nu anggappiyaaḵ ḵan Apudyus atta ngaimane ḵanoḵ baḵon nu inumoḵ, ngaipaaḵ madellaw?”

Mark 7:34

Pun nantangad ḵad aḵ Jesus ad langit, ummag-os woḵ ḵanana, “Ephphatha,” we sa piona ḵanan, “Mabuḵatanḵa.”

Luke 9:15

Pun sa ḵingwada, pinatuḵduda losan dida.

Luke 9:17

Pun nanganda losan woḵ nassugda. Nagangputda ḵad, dinagup da apostol da nabun-an. Pun napnu nasawaḻan aḵ duwae aḵḵubaw.