Luke 8:54 - Sa Ugud Apudyus

⁵⁴ Yaḵon innonnan Jesus iman ni babaḻasang woḵ ḵanana, “Abeng, bumangonḵa!”

Luke 8:54 Referans Kwoze

Acts 9:40

Yaḵon pinaḻawan Peter dida losan woḵ nanalluḵu we nalluwaḻu. Naabus ḵad, nansagung si natoy woḵ ḵanana, “Tabitha, bumangonḵa.” Pune sadi, nandiyat woḵ innilana ḵad aḵ Peter, tummuḵdu.

John 11:43

Inabusna ḵad imbaga anna, indangsoḻna ḵanane nampoḵaw, “Lazarus, tumoḵwaḻḵa!”

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

Luke 8:51

Dummatongda ḵad si boḻoy da Jairus, adimpun Jesus iyyunude awad lumnoḵ, abus da Peter, John ya aḵ James ya da ama ḵan inan ni babaḻasang.

Mark 9:27

Pun innonnan Jesus imana woḵ pinasiḵadna.

Mark 8:23

Pune sadi ḵiniwid Jesus naḵuḻap woḵ intallayna si igid ni ili. Pun tinuppaana atan ni naḵuḻap woḵ iyappadna imana ḵan siya. Ḵanana, “Awad pagay ilam?”

Mark 1:31

Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus.

Matthew 9:25

Yaḵon pinaḻawan ḵad Jesus dida, nillumnoḵ atte kuwartun ni abeng woḵ innonnana imana, pun nabanangon.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

Luke 8:53

Pun inem-emesda'ḵ Jesus te iniiggammudae natoy.

Luke 8:55

Pun nipauli ḵalidodwan ni babaḻasang, natanaḵdog woḵ ḵanan Jesus, “Ittanyu'ḵ ḵanona.”