Luke 8:44 - Sa Ugud Apudyus

⁴⁴ Nangwa ḵad, ummadani si odogan Jesus woḵ tokkona gayadan ni silupna. Pune sadi, naḵaginoḵ daḻana.

Luke 8:44 Referans Kwoze

Acts 19:12

Te taḵon ay da pangpangyu ḵan sinnune inusarna, nu iyoyda'tta masaḵit, maḵaan da saḵitda ḵad lumawa da aḻan atta naaḻanan.

John 5:13

Yaḵon sa naḵaan saḵitna, naippun igammuna nu ngai nangaan si saḵitna te amoamod da tagu ya naabus ḵesan aḵ Jesus.

Luke 13:13

Pun impatay Jesus da imana ḵan siya woḵ daguse nauyad woḵ nandaydayaw ḵan Apudyus.

Luke 7:38

Nillumnoḵ ḵad, summiḵad si daḻnig Jesus woḵ ummibil. Nantottodtod luwana inggana'ḵ nas-ob suḵin Jesus. Pun pinunasana'tte buuḵna ḵan inogoḵana bos suḵina woḵ inisigna sadi ye bangbanglu si suḵin Jesus.

Mark 6:56

Ngaimane ummayan Jesus we ili, daḵoḻ man baḵon nu ban-og, iyyuwayda pagay da nasaḵit ḵan siya'tta ayanae andadaḵngan da tagu. Ḵad nandagdagudae taḵon ay nu abuse tokkon da nasaḵit gayadan ni silupna. Pun losan da nandoḵ atte silupna, naḵaan da saḵitda.

Matthew 20:34

Pun ḵinadaguwan Jesus dida woḵ inappadana da atada. Pun daguse naḵailada woḵ nitun-udda ḵan siya.

Matthew 8:3

Indawawan Jesus imana pun inappadana woḵ ḵanana, “On, Pioḵ! Maḵaan saḵitnu!” Pun daguse naḵaan saḵitna.

Acts 5:15

Pune sadi nan-iyoyda'tta nasaḵit si ḵaḻsa ya pinaobogda dida'tta ḵama ḵan oboḵda te nu lumaus aḵ Peter, taḵon ay nu abuse maidunganda'tte aniniwanna, maḵaan da saḵitda.

Matthew 9:20

Ummoyon ḵad da Jesus, inninggaw bubai ye dumaḻadaḻa'tte nasawaḻan aḵ duwae tawone nitun-ud ḵan Jesus woḵ tokkona gayadan ni silupna.

Luke 8:43

Sa amoamodan os da tagu, inninggaw bubai ye dumaḻadaḻa'tte nasawaḻan aḵ duwae tawon. Taḵon ay nu naaminan atta nampaagasana, naippun naḵaagas ḵan siya.

Luke 8:45

Ḵanan Jesus, “Ngai nandoḵ ḵan saḵon?” Losanda ḵanane namuḵlit, “Daḵanaḵpun.” Ḵanan Peter, “Apu, atomagay da tagu we ansusulig ḵan siḵa!”