Luke 8:22 - Sa Ugud Apudyus

²² Sin-aḻgawan ḵad, summaḵay da Jesus ya da disipuluna'tte bangka woḵ ḵanan Jesus ḵan dida, “Intaḵu dumoḻmang.” Pun nallibbatda.

Luke 8:22 Referans Kwoze

Mark 6:45

Pun daguse nambangkaon Jesus da disipuluna ta umunada dumoḻmang ad Bethsaida. Pun pinaḻyawna da adu we tagu'tta ilida.

Luke 8:23

Naaḵatda ḵad, nasuyop aḵ Jesus. Panos ḵade sadi, annat ampigsae bibbid woḵ natupitupiyaḵan bangka inggana'ḵ annae milisobda.

Luke 5:1

Sin-aḻgawan ḵad, inninggaw aḵ Jesus si taḻantag ni Baybay ad Gennesaret. Naaligummu da amode tagu ḵan siya ta dongngonda ituttudunae Ugud Apudyus.

Mark 8:13

Imbagan ḵad Jesus sana, tinenana dida woḵ summaḵyatda'tte bangka ta dumoḻmangda.

Matthew 14:22

Nagangput ḵade pinaḵanan Jesus da tagu, nambangkaona da disipuluna ta umunada dumoḻmang ad domang. Pun pinaḻyawna da adu we tagu'tta ilida.

John 6:1

Naḻaḵpus ḵad pigan aḻgaw, dummoḻmang aḵ Jesus ya da disipuluna'tte Baybay ad Galilee ye Tiberias osae ngadanna.

Mark 5:21

Nipauli ḵad aḵ Jesus we dummoḻmang, inaligummun da amoamode tagu'tte taḻantag ni baybay.

Matthew 8:18

Pune sadi, innilan Jesus we adu da tagu we naaligummu ḵan siya woḵ ḵananae namilin atta disipuluna, dumoḻmang taḵu'd domang si annae baybay.

Luke 8:33

Pun lummawada'tte tagu woḵ nillumnoḵda'tta boḻoḵ. Nangwa ḵad da boḻoḵ, sintotoddaḵdae nan-osog woḵ lummayugda'tte etpang pun naaminda naanud atte baybay.

Acts 27:2

Nambapur ḵani ye naḻpu'd Adramyttium we umoy atta ili'tte probinsiya'd Asia. Binuḻunan diḵani ḵan Aristarchus we iThessalonica si probinsiya'd Macedonia.