Luke 7:47 - Sa Ugud Apudyus

⁴⁷ Pun annaya ibagaḵ ḵan diḵayu, gapu'tta ḵingwana ḵan saḵon, mipailae amod de ayatna ḵad napakawan da adu we basuḻna. Yaḵon sa tagu we aḵit basuḻnae napakawan, aḵit os ayatna.”

Luke 7:47 Referans Kwoze

1 John 4:19

Ayaton taḵu da udum te ummunae inayat Apudyus ditaḵu.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Ephesians 6:24

Awad oḵyan ḵan diḵayu ḵinabaḻu we maḻpu ḵan Apudyus ya da losane angipapati'tte ayatna ḵan Jesu Kristu we Apu taḵu.

1 John 5:3

Te sa an-aayat taḵu ḵan Apudyus, sa anuttuwaan taḵu'tta bilinna. Ḵad da bilinna, daḵampun aḵ ansigabe tuttuwaon,

1 Timothy 1:14

Ḵad ummamdan ḵinabaḻun Apu taḵu ḵan saḵon si nangittana'tte pammati ya ayat. Ittona bos sanae pammati ya ayat ḵan ditaḵu losan gapu si niyossaanan taḵu ḵan Jesu Kristu.

Philippians 1:9

Annaya da iluwaḻuḵ ḵan Apudyus. Ḵodawoḵe pumigsapigsa oḵyan ayatyu ḵan siya ya da buḻunyu, ḵad madog-an oḵyan igammuyu si mipanggob ḵan Apudyus ya sa ḵabooḻanyu we angigammu nu ngai da ustu we ḵoonyu,

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Matthew 10:37

“Sa tagu we amod ayatna'tta amana ḵan inana ya da abengna nu sa ayatna ḵan saḵon, adipun mibelang aḵ disipuluḵ.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

Luke 7:46

Adimpun os inappusan ḵidayḵu'tte bangbanglu. Yaḵon siya ḵad, inisigna bangbanglu'tta suḵiḵ.

Luke 7:48

Ḵanan Jesus atte bubai, “Napakawan da basuḻnu.”