Luke 7:30 - Sa Ugud Apudyus

³⁰ Yaḵon da Pharisee ya da nalainge mimistulun ni lintog, indiyanda panggob Apudyus ḵan dida woḵ adidapun nampabonyag ḵan John.

Luke 7:30 Referans Kwoze

Luke 13:34

Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Romans 10:21

Yaḵon nu mipanggob atta Judyu we ganaḵ Israel, ḵanan Apudyus, “Inaḻgawe dam-oḵ ayagan da tagu we adipun tumuttuwa gapu si adidapun amatiyan ya summullagida te tummungitongda.”

Acts 20:27

Te impaigammuḵ ḵan diḵayu da losane pinion Apudyus.

Matthew 22:35

Inninggaw osa ḵan didae nalainge mistulun ni lintoge nan-imus ḵan Jesus ta siḵapana.

Ephesians 1:11

Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Galatians 2:21

Adiḵpun idiyan ḵinabaḻun Apudyus. Nu maun-unan tagu si sinagung Apudyus gapu'tte anuttuwaana'tte lintog, naippun ain anun ni natoyan Kristu!

Luke 7:31

Pinagatupan os Jesus woḵ ḵanana, “Ngai angipaniyaḵ atta tagu sinsana? Isudan abenge an-ay-ayam atta pappawayan. Ḵad ḵanandae nangiyip-ipḵaw atta asin-abbengda,

Luke 20:6

Yaḵon nu ḵanan taḵu we, ‘Naḻpu'tta tagu,’ aaddi ye batubatuwon ditaḵu'tta losane tagu inggana'ḵ matoy taḵu te pinatin da losane profeta'ḵ John.”