Luke 7:25 - Sa Ugud Apudyus

²⁵ Ngai pagay lasunyu we ummoy? Ummoyyu ḵamman innila tagu we nansilup atte ampatoge silup? Naid! Te da angisilup atta ambaḻubaḻu babaḵnangda ya da boḻoy da ari inggawanda.

Luke 7:25 Referans Kwoze

Matthew 6:29

Yaḵon ibagaḵ ḵan diḵayu, taḵon ay aḵ Ari Solomon we ḵabaḵnangan, naippun silupna'ḵ nabaḻbaḻu nu sa osa'tta annae tabbaḵ.

Matthew 3:4

Sa silup John naaboḻe dutdut di camel ya laḻat taḵyadna. Ḵad dudun ḵan dilu ḵanoḵanona.

Matthew 11:8

Ngai ummoyyu innila nu? Innilayu ḵad ain tagu we nansilup atte ampatoge silup? Naid. Te da nansilup atta ḵaḵnat babaḵnangda ya da boḻoy da ari inggawanda.

Luke 7:24

Ḵesan ḵad da imbuun John, imbagan Jesus mipanggob ḵan siya'tta amode tagu sidi. Ḵanana, “Ngai ummoyyu innila si bumbummaaw? Sa potawe mibibbibbid? Naid.

Luke 7:26

Pun ngai ummoyyu innila nu? Osa ḵammane profeta? On, annaya ibagaḵ ḵan diḵayu, daldallu nu sa profeta.

Luke 16:19

Ḵanan Jesus, “Inninggaw laḻaḵi ye baḵnange nansilup atta ampapatoge silupe naḵwa'tte purple we sinnun ḵad inaḻgawe nansida ya anggangganas.