Luke 7:22 - Sa Ugud Apudyus

²² woḵ ḵanana'tta imbuun John, “Mipauli ḵayu ḵan John ta inḵayu ibaga ḵan siya da innilayu ḵan dingngoḻyu, we da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, naḵadongoḻda, da natoy, nataguda ḵasin ḵad sa Ambaḻu we Damag miwaḻagawag atta ḵapus.

Luke 7:22 Referans Kwoze

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Matthew 21:14

Pun ummoy da udume naḵuḻap ya da udume napilaye tagu ḵan Jesus si paway ni templo woḵ ḵinaanna da saḵitda.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Luke 7:21

Sa dummaḵnganda, ḵinaan Jesus da saḵit da adu we tagu, ḵad pinaḻyawna bos da aḻan atta naaḻanan. Ḵinaanna bos ḵuḻap da naḵuḻap,

Acts 8:7

Te da aḻan lummawada'tta adu we tagu we naaḻanane sintutuḵingda ya adu da naparalaes ya da napilaye naḵaan da saḵitda.

John 1:46

Pun ḵanan Nathanael, “Awad ḵamman ambaḻu'ḵ naḻpu'd Nazareth?” Ḵanan Philip, “Awwaynu ta inta ilan.”

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Luke 7:23

Ḵad pian tagu we adipun anduwaduwa si mipanggob ḵan saḵon.”