Luke 7:2 - Sa Ugud Apudyus

² Inninggaw sidi kapitan da suḻdadu we iRome. Inninggaw os sammilunae pipiona, nasaḵit ḵad mamattoy.

Luke 7:2 Referans Kwoze

Colossians 3:22

Diḵayu ḵad ose musassu, tuttuwaonyu da losane ibagan da ap-apuwonyu sina'd luta. Daḵampun aḵ abus angitotollonganda ḵan diḵayu'ḵ angwaanyu'tte ḵewaaḻyu ta mas-omda ḵan diḵayu. Yaḵon maḻpu pagay oḵyan atte somsomoḵyu da ḵoonyu we anuttuwa ḵan dida te isipogyu'ḵ Apu.

Luke 23:47

Innilan ḵad ni kapitan da suḻdadu da sadi ye naḵwa ḵananae nandayaw ḵan Apudyus, “Tuttuwae naun-unan annae tagu!”

Luke 8:42

te sa abus aḵ abengdae bubai ye nasawaḻan aḵ duwa tawonna, mamattoy. Anna ḵade umoyda, naaligummu da tagu ḵan siya.

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Acts 27:43

Yaḵon iyyadin ni kapitan te pionae matagu'ḵ Paul. Pun imbilinna'tta lamogdae anḵiyate umunada pumaytuḵ si baybay ta tumaḵdangda si taḻantag,

Acts 27:3

Mabigat ḵad, nansadang ḵani'd Sidon. Pun ḵinadaguwan kapitan Julius aḵ Paul woḵ iyyunudnae umoy atta boḻoy da buḻbuḻunna ta ittanda'tta ḵasapuḻana.

Acts 27:1

Dummatong ḵad de aḻgawe allibbatanni ḵan Paul we umoy ad Italy, impuḻangda'ḵ Paul ya da udume baḻud ḵan Julius we osa'tta kapitan da Roman army ye ngannonda “Regiment ni Emperor.”

Acts 23:17

Pun inayagan Paul osae kapitan woḵ ḵanana ḵan siya, “Buḻunam ḵappos annae babaḻu we umoy atte kumander te awad de ibagana.”

Acts 22:26

Dingngoḻ ḵad ay ni kapitan imbagan Paul, ummoy si kumander woḵ ḵanana, “Ummam si ḵoom si sanate tagu te Romano.”

Acts 10:7

Ummoyon ḵad anghel, inayagan Cornelius da duwae sammiluna ya sa osae suḻdadu we naapudyusan ya anserserbi ḵan siya.

Acts 10:1

Awad ad Caesarea tagu we nangngadan aḵ Cornelius, kapitan da suḻdadun da iRome we ngannonda Regiment da iyItaly.

Luke 7:1

Nagangput ḵad nantuttudu'ḵ Jesus atta tagu, ummoy ad Capernaum.

Luke 7:3

Dingngoḻ ḵad ni kapitan mipanggob atta ḵingwan Jesus, nambuun atta udume pallakayon da Judyu ta ayaganda'ḵ Jesus ta umoyna ḵaanon saḵit ni sammiluna.