Luke 7:16 - Sa Ugud Apudyus

¹⁶ Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

Luke 7:16 Referans Kwoze

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Luke 1:68

“Idaydayaw taḵu'ḵ Apu we Apudyus da ganaḵ Israel, te ummali ta subutona ditaḵu we taguna.

Luke 5:26

Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Luke 2:20

Nipauli ḵad da nanangḵon atta karnero si puḻag, nanggappiyada ḵan nandaydayawda ḵan Apudyus gapu'tta losane innilada ḵan dingngoḻda te da losane imbagan ni anghel ḵan dida, tuttuwae naḵwada.

Luke 1:65

Naḵimtan da ḵailiyanda woḵ nandinongoḻ ugud atte mipanggob si naḵwa'tta losane ili'tta probinsiya'd Judea.

Matthew 21:11

Ḵanan da tagu we nibuḻun ḵan Jesus, “Siya'ḵ Jesus we profeta we iNazareth si probinsiya'd Galilee.”

Matthew 15:31

Ḵatti ḵad naḵwa, sintataag da tagu we nangila'tta naumoḻe an-ugud, da nabaḵawoge nipaḻ-og da imada, da napilaye nanaddaḻan ya da naḵuḻape maḵaila. Pun indaydayaw da ganaḵ Israel aḵ Apudyus.

Galatians 1:24

Pun indaydayawda'ḵ Apudyus gapu ḵan saḵon.

Acts 5:5

Dingngoḻ ḵad Ananias imbagan Peter, napittuwaḵ woḵ natoy. Pun nillumnoḵ da babaḻu woḵ binusdungda'tte luput long-agna woḵ ummoyda illibon. Da losane nangngoḻ atta naḵwa ḵan siya amod de ḵimutda.

John 9:17

Pun ḵasin da Pharisee nan-imus atte laḻaḵi woḵ ḵananda, “Ḵad nu diniyat Jesus da atam, ngai ḵanam si mipanggob ḵan siya?” Ḵanana, “Siya profeta.”

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

John 4:19

Ḵanan ni bubai, “Apu, igammuḵe profetaḵa.

John 1:25

Ḵanandae nangimus ḵan siya, “Ḵad nu daḵanḵapun aḵ Kristu baḵon nu aḵ Profeta Elijah baḵon nu sa profeta we uuwayonni, ngaipaḵa dam-on ambonyag nu?”

John 1:21

Pun ḵanandae nangimus, “Ḵad ngaiḵa nu? Siḵa'ḵ Profeta Elijah?” Ḵanana, “Naid! Daḵanaḵpun.” Pun ḵananda bos, “Siḵa ḵad ain profeta we an-uuggudon Apudyus we uuwayonni?” Ḵanan os John, “Naid! Daḵanaḵpun.”

Luke 24:19

Ḵanan Jesus, “Ngai ḵad ain da naḵwa?” Summongbatda woḵ ḵananda, “Da naḵwa ḵan Jesus we iNazareth. Siya imbelang Apudyus aḵ profetana ya ḵanan da tagu we siya bos maḵabooḻe angituttudu ya angwa'tta nakaskasdaaw.

Luke 9:19

Ḵananda, “Siḵa'ḵ John we Ambobonyag. Da udum, ḵanandae siḵa'ḵ Profeta Elijah. Da udum os, ḵanandae siḵa osa'tta profeta si awe ye ummuli.”

Luke 8:37

Ḵad da losane naḻpu si saḵubna'd Gerasa, nandagdaguda ḵan Jesus ta tenana ilida te naḵimtanda. Pun nambangka da Jesus ya da disipulunae naḵasaganae umoyon.

Luke 5:8

Innilan ḵad Simon Peter naḵwa, nanalluḵu'tte sinagung Jesus woḵ ḵanana, “Apu tenam saḵon te ḵabasbassuḻanaḵ!”

Matthew 28:8

Pun maḵamuda gaye nanenan atte libon. Naḵimtanda yaḵon amod pagay layadda woḵ nanoddaḵdae ummoy nangibaga'tta disipuluna.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Luke 19:44

Aminonda dadailon iliyu ya da losane tagu. Ḵad maamin miwalis da sana ta naippun mabun-an taḵon ay ossaane batu si igawna te adiyupun binigbig umaliyan Apudyus we anagu ḵan diḵayu.”

Luke 7:15

Pun sa sadi ye natoy, natanuḵdu woḵ gumminga. Ḵanan Jesus atte inana, “Anna abengnu.”