Luke 7:13 - Sa Ugud Apudyus

¹³ Aḵ Jesus ḵad si innilana baḻu, amod de daguna woḵ ḵanana ḵan siya, “Agaynu we umibil.”

Luke 7:13 Referans Kwoze

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Luke 8:52

Nandomdom ḵan ummibil da losane tagu sidi yaḵon ḵanan Jesus ḵan dida, “Guminoḵ ḵayu te sa annae babaḻasang, daḵampun aḵ natoy. Masusuyop.”

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

John 20:15

Ḵanan Jesus ḵan siya, “Bubai, ngaipaḵa umibiibil? Ngai singsingtom?” Ḵanampun Mary nu sa angayyuwan atte mumuḻḻaan woḵ ḵanana, “Apu, nu intallaynu, ibagam nu dinu nangiggaam ta iyyaḵ aḻan.”

Mark 8:2

“Madaguwaḵ atta annae tagu te inninggawda ḵan ditaḵu'ḵ tuḻun aḻgaw pun ippun ogon ḵanonda.

John 11:2

Aḵ Mary ḵad, siya nangisig atte bangbanglu we lana'tte suḵin Jesus woḵ pinunasana bos si buuḵna.

Luke 24:34

woḵ ḵananda, “Tuttuwae natagu'ḵ Apu woḵ nampaila ḵan Simon!”

Luke 17:5

Pun ḵanan da apostol ḵan siya, “Apu, papigsaom ḵappos da pammatini.”

1 Corinthians 7:30

Diḵayu we andomdome sana, isun oḵyan di adiḵayupun andomdom. Ḵad da allaylayad, isun oḵyan di adidapun allaylayad ya da ngumina, isun oḵyan di daḵampun aḵ ḵuwada nginin-anda.

John 20:13

Ḵananda ḵan Mary, “Bubai, ngaipaḵa umibiibil?” Ḵanana ḵan dida, “Te innaḻada ladag Apuḵ ḵad naippun igammuḵ nu dinu nangiggaanda ḵan siya.”

Luke 13:15

Summongbat aḵ Jesus woḵ ḵanana, “Diḵayu we ḵapappailae anuttuwa ḵan Apudyus, adiyupun ḵamman umoy uḵasan baḵa baḵon nu donkeyyu ya ummoyyu pinainuman atte umillongan?

Luke 10:1

Nagangput ḵad, pinilin Jesus da pitumpuḻu ya duwa'tta udume disipuluna. Sinindodwana dida imbuun ta umoyda umuna antuttudu'tta ili ye ayana.

Luke 7:19

woḵ imbuunna dida ḵan Jesus ta ḵanandae an-imus, “Siḵa ḵamman inkarin Apudyus we umali baḵon nu awad udum aḵ uwayonni?”

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

Luke 22:61

Pun natanawili'ḵ Apu Jesus we nangimumuskoḻ ḵan Peter woḵ inḵagasmoḵna imbagan Apu ḵan siyae ḵanana, “Daampun anullaḵuḵ ḵawitan si labi'ḵ uni, amiḵluwom saḵon puḵlitan.”

Luke 7:12

Anna ḵade sumaaḻda'tte pudayan ni ili, inabotda da adu we tagu we umoy allibon. Sa natoy, babaḻu we abus aḵ abeng ni baḻu.

Luke 7:14

Nangwa ḵad, ummoyna innonnan lungun ta guminoḵdae anaddaḻan woḵ ḵanana'tte natoy, “Babaḻu bumangonḵa!”

Luke 11:1

Sin-aḻgawan ḵad, alluwaluwaḻu'ḵ Jesus atte osae lugar. Nagangput ḵad, ḵanan ni osa'tta disipuluna ḵan siya, “Apu, tuttuduwam ud diḵani ye alluwaḻu we isun ni nantututtudun John we Ambobonyag atta disipuluna.”

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Luke 17:6

Pun ḵanana, “Nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwae ḵananyu si annae daḵoḻe ḵayu, ‘Mabagutḵa ya nimuḻaḵa si baybay’ woḵ tuttuwaona.”

Luke 18:6

Pun ḵanan Jesus, “Dongngonyu imbagan ni ḵuwis atte baḻu.

Luke 19:8

Pun tummaḵdog aḵ Zacchaeus woḵ ḵanana ḵan Apu Jesus, “Apu, ittoḵ gogwan da ḵuḵuwaḵ atta ḵapus. Nu awad tagu'ḵ nan-igabaḵ, ipauliḵ aḵ angimpat ḵan siya ḵaadun ni inigabḵu.”

Luke 24:3

Pun nillumnoḵda yaḵon ippun indasanda si ladag Apu Jesus.

John 4:1

Da Pharisee ḵad, dingngoḻdae naadu da inawis ḵan binonyagan Jesus we disipulu nu aḵ John. Inigammun Jesus we dingngoḻ da Pharisee anna.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

John 11:3

Gapu ḵad ta nasaḵit aḵ Lazarus, nangibuun da ansunud aḵ umoy angibaga ḵan Jesus ḵanane, “Apu, nasaḵit ay-ayatome buḻbuḻunnu.”