Luke 6:7 - Sa Ugud Apudyus

⁷ Inninggaw os da udume mimistulun ni lintog ya da Pharisee ye angitotollong ḵan siya ta ilanda nu ḵaanona saḵit atte umillongan te pionda pabasuḻon aḵ Jesus.

Luke 6:7 Referans Kwoze

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 13:14

Yaḵon summanga pangat ni sinagoga te sa umillongan ḵinaan Jesus sadi ye saḵit. Pun ḵanan ni pangat atta tagu, “Onom aḻgaw oḵyane abus anḵewaaḻan taḵu. Pun sana oḵyan da aḻgawe umaliyanyu ta paḵaanyu da saḵityu, daḵampun atte umillongan da Judyu.”

Mark 3:2

Inninggaw os da udume tagu we angitotollong ḵan siya ta ilanda nu ḵaanona saḵitna'tte umillongan te pionda pabasuḻon aḵ Jesus.

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

Matthew 5:39

Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi.