Luke 6:30 - Sa Ugud Apudyus

³⁰ Sa ḵoom os, angitodḵa'tta losane anḵodaw ya nu awad angaḻa'tta ḵuḵuwam, adim pauliyon.

Luke 6:30 Referans Kwoze

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Matthew 6:12

Ḵad pakawanom da basuḻni te pinakawanni bos da naḵabasuḻ ḵan diḵani.

Luke 18:22

Dingngoḻ ḵad Jesus, ḵanana ḵan siya, “Os-ossaan adimpun ḵingwa. Inḵa ingina da losane ḵuḵuwam ya iwaḻasnu bayadda'tta ḵaḵapus woḵ awad de binaḵnangnu we inggappot Apudyus ad langit. Umaliḵa, tun-udonaḵ.”

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Luke 11:41

Sa unaonyu ḵoon, papoḻḵasonyu da somsomoḵyu ya allaay ḵayu'tta ḵapus. Te nu ḵoonyu ḵaḵna, pumoḻḵas losane ḵinatataguyu.

Luke 6:38

Ḵad mamaḵ-atod ḵayu woḵ mamaḵ-atod os aḵ Apudyus ḵan diḵayu te sa ḵaadun ni ittonyu, isuna bos ḵaadun ni itton Apudyus. Sa inon Apudyus we angitod, isunan iḵisuna ya pitpitona ḵad dinog-ana ta lumangbis.”

Matthew 18:35

Pun ḵanan Jesus we nangiyanungus, “Siya isun ni ḵoon Amaḵ ad langit ḵan diḵayu nu adiyu pakawanone sipupusu da asintataguyu.”

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

Matthew 5:39

Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi.

Luke 6:29

Nu betnagonda apingnu, itayam os biiḵ, ḵad nu aḻanda jaketnu, ittom os ḵamusitam.

Luke 6:31

Pun ḵoonyu'tta udum da pionyu we ḵoonda ḵan diḵayu.