Luke 6:24 - Sa Ugud Apudyus

²⁴ Yaḵon ḵaddagu ḵayu we baḵnang, te abus sinsadi'ḵ allaylaydanyu.

Luke 6:24 Referans Kwoze

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

James 2:6

Yaḵon diḵayu ḵad, ibabbainyu da ḵapus. Daḵampun ḵamman atta babaḵnang da amaḵaḻam ḵan angidaḻum ḵan diḵayu?

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Luke 6:25

Ḵaddagu ḵayu we mamassug sinsadi, te mauuḻat ḵayu, ya ḵaddagu ḵayu we sin-eemes sinsadi, te andomdom ḵayu ya umibiibil ḵayu.