Luke 5:26 - Sa Ugud Apudyus

²⁶ Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Luke 5:26 Referans Kwoze

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Luke 8:37

Ḵad da losane naḻpu si saḵubna'd Gerasa, nandagdaguda ḵan Jesus ta tenana ilida te naḵimtanda. Pun nambangka da Jesus ya da disipulunae naḵasaganae umoyon.

Luke 5:8

Innilan ḵad Simon Peter naḵwa, nanalluḵu'tte sinagung Jesus woḵ ḵanana, “Apu tenam saḵon te ḵabasbassuḻanaḵ!”

Mark 2:12

Pun daguse bummangon si angitotollongan da losane tagu, innaḻana bulignae innumbogana woḵ ummoyon. Pun natataag da tagu sidi woḵ dinaydayawda'ḵ Apudyus, ḵananda, “Atopay! Naippun paat innila taḵu'ḵ ḵaḵna!”

Matthew 28:8

Pun maḵamuda gaye nanenan atte libon. Naḵimtanda yaḵon amod pagay layadda woḵ nanoddaḵdae ummoy nangibaga'tta disipuluna.

Matthew 12:23

Sintotokoḻ da tagu si ḵingwana woḵ ḵanandae nan-asiimus, “Siya ḵamman ganaḵ Ari David we uuwayon taḵu?”

Galatians 1:24

Pun indaydayawda'ḵ Apudyus gapu ḵan saḵon.

Luke 1:65

Naḵimtan da ḵailiyanda woḵ nandinongoḻ ugud atte mipanggob si naḵwa'tta losane ili'tta probinsiya'd Judea.