Luke 5:10 - Sa Ugud Apudyus

¹⁰ Nataag os da buḻunnae da James ḵan John we abeng Zebedee. Pune sadi, ḵanan Jesus ḵan Simon, “Adiḵa maḵimut te misaḻad sinsadi, daḵampun ogon aḵ ugadiw tabuḵuḻam yaḵon da tagu ta amatida ḵan saḵon.”

Luke 5:10 Referans Kwoze

Matthew 13:47

Pinagatupan Jesus woḵ ḵanana, “Sa ampangatan Apudyus mipani bos si tabuḵuḻe inuyud da anabuḵuḻ atte baybay inggana'ḵ mapnu'tta nankalakalasi ye ugadiw. Ḵad itaḵdangda ya tumuḵduda ta piliyanda. Da ambabaḻu we ugadiw iggada'tte aḵḵubaw ya iballuda da anḵaḻaweng.

Matthew 4:19

Ḵanan Jesus ḵan dida, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.”

Mark 1:17

Pun ḵanana, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.”

Luke 5:7

Gapu'tte sadi, nampaypayda'tta buḻundae inninggaw si osae bangka ta umoyda badangan dida. Dummatongda ḵad, binutbutda da tabuḵuḻ woḵ pinnuda duwae bangka'tta ugadiw woḵ tigangayda milisob.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Luke 6:14

Annaya da ngadan da pinilina. Aḵ Simon we nginadanan Jesus aḵ Peter, aḵ Andrew we sunudna ya da James ḵan John. Nidoga da Philip ḵan Bartholomew,

Matthew 20:20

Pune sadi, ummoy ummadani asawan Zebedee ya da duwae abengnae laḻaḵi ḵan Jesus. Pun nanalluḵu si sinagung Jesus woḵ ḵanana, “Apu, awad de pioḵ ḵodawon.”

Matthew 14:27

Pun daguse gumminga'ḵ Jesus woḵ ḵanana, “Tumuḻod ḵayu! Adi ḵayu maḵimut! Saḵon aḵ Jesus!”

Matthew 4:21

Pinagatupan ḵad Jesus we nanaddaḻan innilana bos da duwae ansunud, da James ḵan John we abeng Zebedee. Inninggawda si bangka ḵan Zebedee ye amadae angisagana si tabuḵuḻda. Pun inayagan Jesus dida.

Luke 5:9

Inugudna ḵaḵna te nataag da Simon ya da buḻunna'tte amod innaḻadae ugadiw.

John 21:2

Nandatdatong da Simon Peter, Thomas we ngannonda Ḵapil, aḵ Nathanael we iCana si ili'tte probinsiya'd Galilee, da duwae abeng Zebedee ya da duwae disipuluna.

2 Timothy 2:26

Ta ansomsomḵanda ya miligsida si siḵap Satan we angawis ḵan didae angwa'tta piona.