Luke 4:23 - Sa Ugud Apudyus

²³ Ḵanan Jesus ḵan dida, “Iniiggammuḵe ibagayu ḵan saḵon ḵaḵnae uuggudone ḵananyu, ‘An-aagas, agasam yane umuna long-agnu.’ Sa pionyu ḵanan, ‘Ḵoom sina'tte ilim da dingngoḻni ye ḵingwam ad Capernaum!’ ”

Luke 4:23 Referans Kwoze

Mark 6:1

Pune sadi, ummoy aḵ Jesus ya da disipuluna si ili ye dummaḵoḻana.

Matthew 4:13

Pun tinenana ili'd Nazareth woḵ ummoy inninggaw ad Capernaum we osae ili'tte taḻantag ni baybay ad Galilee si saḵubna'd Zebulun ḵan Naphtali.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

John 4:28

Ḵingwan ḵad ni bubai, tinenana sasaḵduwanae banga woḵ nipauli'tte siyudad. Pun ummoyna imbaga'tta tagu ḵanane,

Luke 6:42

Ngaipam ḵamman ḵanan atte asintatagume, ‘Ḵaanoḵ ud buḻaw si atam,’ ya adimpun ilan setap si atam? Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

Luke 4:16

Aḵ Jesus ḵad, ummoy ad Nazareth we dummaḵoḻana. Dummatong ḵad umillongan da Judyu, ummoy atte sinagoga te siya ugalina. Pun tummaḵdog ta siya amasa si nigili ye Ugud Apudyus.

Matthew 13:54

woḵ nipauli si mismu we ilinae dummaḵoḻana. Ummoy atte sinagoga ta antuttudu woḵ nasdaaw da nandongoḻ ḵan siya. Ḵanandae nan-asiimus, “Ngai nangaḻ-ana si laingna ḵan ḵabooḻanae angwa'tta nakaskasdaaw?

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Luke 2:39

Ginanggangput ḵad da Joseph ḵan Mary ḵingwa da paḵwan ni Lintog Apudyus, nipaulida'd Nazareth atte probinsiya'd Galilee ye naḻpuwanda.

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

Luke 4:31

Pune sadi, ummoy aḵ Jesus si siyudad ad Capernaum atte probinsiya'd Galilee. Sa aḻgaw ḵade umillongan, ummoy si sinagoga woḵ nantuttudu.

Luke 4:35

Yaḵon ḵanan Jesus we namilin atte aḻan, “Guminoḵḵa! Ḵumassadḵa ḵan siya!” Pun pinittuwaḵ ni aḻan si sinagung da tagu woḵ ḵummassad atte laḻaḵi ye ippun naḵwa'ḵ lawweng ḵan siya.