Luke 4:22 - Sa Ugud Apudyus

²² Losan da tagu nan-ugud aḵ ambaḻu mipanggob ḵan Jesus te nataagda'tte allin-awae nan-uugudna. Inninggaw os da sin-aayutimtime ḵananda, “Daḵampun ḵamman aḵ siya abeng Joseph?”

Luke 4:22 Referans Kwoze

John 6:42

Ḵananda, “Daḵampun ḵamman aḵ siya Jesus we abeng Joseph? Igammu taḵu da amana ḵan inana. Ḵad ngaipana ḵanane naḻpu'd langit?”

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

John 7:46

Ḵanan da guwaḻda, “Adinipun te naippun paat miyisu'tte an-uugudnae ambaḻubaḻu!”

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Luke 2:47

Da losane nandongoḻ ḵan siya, nataagda'tte laingna ya da isongbatna.

Luke 2:48

Pun innilan ḵad da sin-abeng, nataagda bos. Ḵanan inana, “Ngaipam ay ḵoon ḵaḵna ḵan diḵani? Adimpun ḵamman igammu we nambimbinsaw ḵani ye nanaḻata ḵan siḵa?”

Luke 4:21

Ḵanana ḵan dida, “Sinsadi ye aḻgaw, nituttuwa sanae Ugud Apudyus atte nandodongngoḻanyu.”

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”