Luke 4:16 - Sa Ugud Apudyus

¹⁶ Aḵ Jesus ḵad, ummoy ad Nazareth we dummaḵoḻana. Dummatong ḵad umillongan da Judyu, ummoy atte sinagoga te siya ugalina. Pun tummaḵdog ta siya amasa si nigili ye Ugud Apudyus.

Luke 4:16 Referans Kwoze

Acts 17:2

Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus.

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

Luke 4:21

Ḵanana ḵan dida, “Sinsadi ye aḻgaw, nituttuwa sanae Ugud Apudyus atte nandodongngoḻanyu.”

Luke 2:39

Ginanggangput ḵad da Joseph ḵan Mary ḵingwa da paḵwan ni Lintog Apudyus, nipaulida'd Nazareth atte probinsiya'd Galilee ye naḻpuwanda.

Luke 4:15

Pun nantuttudu'tta sinagoga woḵ intaḻayag da losane tagu.

Luke 4:17

Naitod ḵan siya da inggilin Profeta Isaiah. Binuḵyagna ḵad, indasana sanae nigili woḵ ḵananae namasa'tta tagu,

Luke 4:23

Ḵanan Jesus ḵan dida, “Iniiggammuḵe ibagayu ḵan saḵon ḵaḵnae uuggudone ḵananyu, ‘An-aagas, agasam yane umuna long-agnu.’ Sa pionyu ḵanan, ‘Ḵoom sina'tte ilim da dingngoḻni ye ḵingwam ad Capernaum!’ ”