Luke 3:2 - Sa Ugud Apudyus

² Ḵad da Annas ḵan Caiaphas ḵangatuwane padin da Judyu. Sa inninggawan John we abeng Zechariah atte bumbummaaw, inninggaw impaigammun Apudyus ḵan siya.

Luke 3:2 Referans Kwoze

Acts 4:6

nidoga'ḵ Annas we ḵangatuwane padi ya aḵ Caiaphas, John, Alexander ya da udume agin ni ḵangatuwane padi.

John 18:24

Pun impaiyoy Annas aḵ Jesus we nabaḻud da imana ḵan Caiaphas we ḵangatuwane padi.

Luke 1:80

Aḵ John ḵade abengna, dummaḵoḻ woḵ lummaing ya pummigsa pammatina. Inninggaw atte bumbummaaw inggana'ḵ dummatong tumoḵwaḻana ta antuttudu'tta ganaḵ Israel.

John 1:23

Ḵanan John, “Saḵon inninggaw si bumbummaawe ḵanaḵe angiwaḻagawag, ‘Pagodongonyu daḻan si umaliyan Apu.’ ” Aḵ John nituttuwaan ni inggilin Profeta Isaiah si awe.

Matthew 26:3

Sa sadi ye timpu, nandatdatong da papangat da papadi ya da pallakayon da Judyu si boḻoy Caiaphas we ḵangatuwane padi.

Matthew 11:7

Nipauli ḵad da disipulun John, insaḻad Jesus we nan-ugud atta amode tagu mipanggob ḵan John. Ḵanana, “Ngai ummoyyu innila si bumbummaaw? Sa potawe mibibbibbid? Naid.

Mark 1:2

Inninggaw imbagan Apudyus atte Abengna si awe ye impaigilina ḵan Profeta Isaiah we ḵanana, “Dongngonyu! Awad de ibuunḵu we umun-una nu siḵa ta umoyna isagana daḻane ayom.