Luke 3:16 - Sa Ugud Apudyus

¹⁶ Ḵanan John ḵan dida, “Bonyagaḵ diḵayu si danum. Yaḵon sa umali ye nangatngatu nu saḵon, bonyagana diḵayu si Ispiritu Santu ḵan apuy. Gapu si ḵinangatuna, naippun labbongḵu we anguḵas si sandalna.

Luke 3:16 Referans Kwoze

Acts 1:5

Te nambonyag aḵ John si danum yaḵon sa sin-aḵitane aḻgaw mabonyaganda'tte Ispiritu Santu.

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

John 1:26

Ḵanan John we summongbat, “Ambonyagaḵ si danume abus yaḵon annat ḵan diḵayu tataḵdoge ippun igammuyu.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

John 7:38

Ngaimane amati ḵan saḵon, maitttan si awade nibaga'tte nigili si Ugud Apudyus we ḵanana, ‘Sa danume angitod si biyage isun di bubune bumubuse maḻpu'tte pusuna ya adipun mattuḵan.’ ”

Acts 10:44

Sissiya ḵade an-ugud aḵ Peter, ummoy Ispiritu Santu atta losane nandongoḻ atte ugudna.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

John 1:27

Siya umun-unud ḵan saḵon ḵad gapu'tte ḵinangatuna, ippun labbongḵu we anguḵas atte sandalna.”