Luke 3:14 - Sa Ugud Apudyus

¹⁴ Inninggaw os da suḻdadu we ummoy nan-imus ḵan siya woḵ ḵananda, “Diḵani ḵad, ngai ḵoonni?” Ḵanana ḵan dida, “Adiyu ḵoḻḵogon baḵon nu pabasuḻon da ngaimane tagu ta aḻanyu da pilaḵda ḵad mat-op ḵayu oḵyan os atta tangdanyu.”

Luke 3:14 Referans Kwoze

Philippians 4:11

Daḵampun aḵ ibagaḵ sana gapu ta angkurang da ḵasapuḻaḵ. Te saḵon ḵad, pinaingsaḵe mat-op atte ngaimane ḵasasaadḵu.

Luke 19:8

Pun tummaḵdog aḵ Zacchaeus woḵ ḵanana ḵan Apu Jesus, “Apu, ittoḵ gogwan da ḵuḵuwaḵ atta ḵapus. Nu awad tagu'ḵ nan-igabaḵ, ipauliḵ aḵ angimpat ḵan siya ḵaadun ni inigabḵu.”

Revelation 12:10

Naabus ḵad, dingngoḻḵu andangsoḻe ginga'd langite ḵanana, “Annan nituttuwa sanae anaguwan Apudyus atta tagu. Dummatong aḻgawe angipail-ana si ḵabooḻanae ampangat ya sa angipail-ana si ḵaḻabbongan ni Kristunae imbuunna. Te sa namabasuḻ atta susunud taḵu ḵan Kristu atte inaḻgaw ḵan nilabi'tte sinagung ni Apudyus taḵu, niballu'd lutae naḻpu'd langit.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.

Philippians 2:15

ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi.

Acts 10:7

Ummoyon ḵad anghel, inayagan Cornelius da duwae sammiluna ya sa osae suḻdadu we naapudyusan ya anserserbi ḵan siya.

Matthew 8:5

Dummatong ḵad aḵ Jesus ad Capernaum, inninggaw kapitan da suḻdadu we iRome we ummoy niyabot nandagdagu ḵan siya

Luke 3:10

Gapu'tte sadi, amod da tagu we ḵanandae nangim-imus, “Ḵad umpay, ngai ḵoonni?”

Luke 3:13

Ḵanana ḵan dida, “Adiyu tuḻ-ayane ansingir.”