Luke 24:47 - Sa Ugud Apudyus

⁴⁷ Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Luke 24:47 Referans Kwoze

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

1 John 2:12

Nanuḻataḵ ḵan diḵayu we aabengḵu te napakawan da basuḻyu gapu ḵan Jesu Kristu.

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Ephesians 1:6

Pun dayawon taḵu'ḵ Apudyus gapu si nakaskasdaawe ḵinabaḻu we pasigna impaila ḵan ditaḵu we niyossaan ḵan Kristu we ay-ayatonae abengna.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Luke 13:34

Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”