Luke 24:39 - Sa Ugud Apudyus

³⁹ Ilanyu da imaḵ ya da suḵiḵ ta amati ḵayu we tuttuwae saḵon anna. Appadanaḵ ta mat-op ḵayu. Te sa lagayan ḵad, naippun long-agna ḵan tung-aḻna ḵad ilanyu we wadawadda ḵan saḵon.”

Luke 24:39 Referans Kwoze

John 20:27

Pun ḵanana ḵan Thomas, “Ilam da imaḵ ya appadam dida. Uyadom imam ya iggam atte sugat ni butiḵḵu. Adiḵa ogon anduwaduwa yaḵon amatiḵa.”

1 John 1:1

Sa annae suḻat, awad de iwaḻagawagni ḵan diḵayu mipanggob atte Ugud we maḻpuwan ni biyag aḵ inggana. Inninggaw ḵan Apudyus we Ama inggan ni laplapu. Nambalin aḵ tagu woḵ inninggaw sina'd luta ḵad mismu we innilani. Dingngoḻni ugudna ya mismu we inappadanni.

John 20:20

Imbagana ḵad sana, impailana da imana ya sa butiḵna. Pun nallaylayad da disipuluna si innilada'ḵ Apu.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

Hebrews 12:9

Isun da aamma taḵu sina'd luta, dinisiplinaan ditaḵu woḵ pinatgan taḵu bos dida. Pun amo dallu oḵyan ose paipangat taḵu ḵan Apudyus we Ama taḵu we awad ad langit ta matagu taḵu'ḵ inggana.

John 20:25

Pun imbagan da udume disipulu ḵanane, “Innilani'ḵ Apu.” Yaḵon ḵanana ḵan dida, “Nu adiḵ ilan ḵan igga tammuduḵ atte aled ni pattoḻ atta imana ya adiḵ appadan butiḵna, adiyaḵpun amati.”

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.

Luke 23:46

Napapḵaaw aḵ Jesus woḵ ḵanana, “Ama, itaḻgodḵu ḵalidodwaḵ ḵan siḵa.” Imbagana ḵad sadi, naḵaan angosna.

Luke 24:38

Pun ḵanana ḵan dida, “Ngaipa ḵayu maḵimut ya anduwaduwa ḵan saḵon?

Luke 24:40

Nagangput ḵade imbagana da sana, impailana ḵan dida da imana ya da suḵina.