Luke 24:36 - Sa Ugud Apudyus

³⁶ Sissiya ḵade ug-uggudonda da sanae naḵwa, natanaḵdog aḵ Jesus we mismu'tte inggawanda woḵ ḵanana, “Lin-awa oḵyan awad ḵan diḵayu.”

Luke 24:36 Referans Kwoze

2 Thessalonians 3:16

Oḵyan pos ta aḵ Apu we puun ni lin-awa taḵu, patilayun ose angitod si sanae lin-awa ḵan diḵayu taḵon ay ngai maḵwa. Ḵad pasig oḵyan ose iinggaw ḵan diḵayu losan.

Luke 10:5

“Lumnoḵ ḵayu ḵad atte boḻoy, sa umunae ibagayu, ‘Itton oḵyan Apudyus lin-awa ḵan diḵayu.’

Mark 16:14

Unipun, nampaila'ḵ Jesus atta nasawaḻan aḵ ossaane disipuluna si anḵaḵaḵananda woḵ sinang-ana dida gapu'tte ippun pammatida ḵan tummungitong somsomoḵda te adidapun pinati imbagan da nangila ḵan siya si ummuliyana.

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.

1 Corinthians 15:5

Nampaila ḵan Peter ya da nasawaḻan aḵ duwae apostol.

John 20:26

Naḻaḵpus ḵad sindumingguwan, inninggaw os da disipulu'tte boḻoy woḵ inninggaw aḵ Thomas ḵan dida. Nidaḵig onob yaḵon nampaila'ḵ Jesus woḵ naḵataḵdog ḵan dida woḵ ḵanana, “Lin-awa awad ḵan diḵayu.”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

John 14:27

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

Matthew 10:13

Ḵad nu pion diḵayu mangiliyon si boḻoyda, aḵ Apudyus angitod si lin-awa ḵan dida. Yaḵon nu umadida mangiliyon diḵayu, adimpun Apudyus itton ḵan dida lin-awa.

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.

1 Corinthians 15:7

Pun nampaila bos ḵan James woḵ asiyot os atta losane apostolna.