Luke 24:27 - Sa Ugud Apudyus

²⁷ Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 24:27 Referans Kwoze

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

Luke 24:25

Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Acts 3:24

“Ḵad losan da profetan Apudyus nisaḻad ḵan Samuel ya da niyun-unud ḵan siya, impadtuda mipanggob si maḵwa sinsana.

Acts 3:22

“Ḵanan Moses, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude iyIsrael. Ḵad ḵasapuḻane tuttuwaonyu da losane ibagana.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”

Mark 4:34

Pasigna impani ye nantuttudu ḵan dida. Abusda ḵad atta disipuluna, impaḵaawatna ḵan dida.

John 5:37

Aḵ Amaḵ we nangibuun ḵan saḵon, tinaḵdoḻanae mismu mipanggob ḵan saḵon yaḵon adiyupun dingngoḻ gingana ḵan innila bosaḻna.

John 12:41

Imbagan Profeta Isaiah da anna te innilana ḵinadayaw Jesus woḵ inugudna bos mipanggob ḵan siya.

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.

Acts 8:35

Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus.