Luke 22:69 - Sa Ugud Apudyus

⁶⁹ Yaḵon sinsadi, saḵone Abeng Di Tagu, tumuḵduwaḵ si madawinan Apudyus we maḵabooḻ atta losan.”

Luke 22:69 Referans Kwoze

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Mark 14:62

Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 22:44

“ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Luke 22:68

Ḵad nu awad imusoḵ ḵan diḵayu, adiyupun songbatan.