Luke 22:66 - Sa Ugud Apudyus

⁶⁶ Anna ḵade pumadda, inniyoyda'ḵ Jesus atte igaw da ḵuḵunsisaḻ we nandaḵdaḵngan da pallakayon da Judyu, da papangat da papadi ya da mimistulun ni lintog.

Luke 22:66 Referans Kwoze

Mark 15:1

Wiḵwiḵis ḵad, nandatdatong da papangat da papadi, da pallakayon da Judyu, da mimistulun ni lintog ya da losane ḵuḵunsisaḻ woḵ nantutuḻagda nu ngai ḵoonda ḵan Jesus. Nagangputda ḵad nantutuḻag, binaḻudda. Pun intallayda woḵ impuḻangda ḵan Gobernor Pilate.

Matthew 27:1

Bigbigat ḵad, nan-uugudan da papangat da papadi ya da pallakayon da Judyu nu ngai inondae ampagongat ḵan Jesus.

Acts 22:5

Ḵad maḵwae panoḵnoḵan ni ḵangatuwane padi ya da losane ḵuḵunsisaḻ we pallakayon da Judyu we tuttuwa sadi te didae mismu nangidagas ḵan saḵon atte suḻat ta iyoyḵu'tta susunud taḵu we iyIsrael ad Damascus. Pun ummoyaḵ sidi ta andoḵmaaḵ atta namati ḵan Jesus ya pusasaḵ dida ya iyoyḵu dida'd Jerusalem ta madusada.

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.