Luke 22:29 - Sa Ugud Apudyus

²⁹ Pun ittoḵ ḵan diḵayu ḵalintogane ampangate isun ni innatod Amaḵ ḵan saḵone ampangat.

Luke 22:29 Referans Kwoze

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Matthew 24:47

Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana.

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 19:17

Ḵanan ni Ari, ‘Ambaḻu ḵingwam. Ambaḻuḵae sammilu. Gapu ta mataḻgodanḵa'tte aḵite intaḻgodḵu ḵan siḵa, ampangatoḵ siḵa'tta simpuḻu we siyudad.’

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

1 Corinthians 9:25

Da ngaimane maḵaaḵ-abaḵ, ḵasapuḻane disiplinaonda da long-agda ta maaḻada gungunae allasu we madadail. Yaḵon ditaḵu we namati, sa gungunae annanayun maaḻa taḵu.

2 Corinthians 1:7

Ḵad ippun duwaduwan ni namnamani ḵan diḵayu te igammuni ye taḵon ay nu napadasanyu ampaḵaḻamane isun ni nampaḵaḻamanni, papigsaon Apudyus pammatiyu we isun ni namapigsaana ḵan diḵani.

Revelation 21:14

Sa pon-ad ḵad ni ḵabitin ni sadi ye siyudad, inggaw da nasawaḻan aḵ duwae danadanaḵḵoḻe batu ḵad sa sin-ossae batu nasin-ossa nigili ngadan da nasawaḻan aḵ duwae apostol ni Ubbu we Karnero.

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Matthew 5:10

Pian da ampaḵaḻam gapu'tte maun-unanda te midogada'tte ampangatan Apudyus.

Matthew 25:21

“Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’