Luke 21:7 - Sa Ugud Apudyus

⁷ Pun ḵanandae nangimus, “Mistulu, ḵamaan ni maḵwaan ni imbagam ḵan diḵani ḵan ngai sinyale angigammuwanni ye madam-an dumaḵngan ni sanae aḻgaw?”

Luke 21:7 Referans Kwoze

Mark 13:14

Pun pinagatupan Jesus woḵ ḵanana, “Nu ilanyu ḵaog-ogyate dumadaile sisiḵad si lugar we ippun oḵyan ḵaḻabbonganae inggaw, maawatan oḵyan da ambasa. Pun da inggaw atte probinsiya'd Judea, umawidda oḵyan atta bebbeleg.

Luke 21:32

“Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu.

Matthew 24:3

Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

Luke 21:6

“Ilanyu sinsadi da sana. Yaḵon sa umali ye aḻgaw, maamin miḵisob da sana ya miwalis ta naippun mabun-an taḵon ay ossaane batu si igawna.”

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.