Luke 20:20 - Sa Ugud Apudyus

²⁰ Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 20:20 Referans Kwoze

Luke 11:54

te pionda siḵapan ta awad ambatayandae angidaḻum ḵan siya.

Matthew 27:2

Pun binaḻudda woḵ inniyoyda ḵan Gobernor Pilate.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

Luke 20:26

Pune sadi, ippun indasanda'ḵ anggadinganda'tta imbagan Jesus atte sinagung da tagu woḵ naabus ḵad gummiginnoḵda te nataagda si insongbat Jesus.

Mark 3:2

Inninggaw os da udume tagu we angitotollong ḵan siya ta ilanda nu ḵaanona saḵitna'tte umillongan te pionda pabasuḻon aḵ Jesus.

Luke 20:21

Pun ḵananda ḵan Jesus, “Mistulu, igammuni ye tuttuwa losan da ibagam ya ustu da ituttudum. Ḵad igammuni bose ippun laḵlaḵsigom aḵ tagu te siya ituttudum ḵatuttuwaan mipanggob si pinion Apudyus we ḵoon da tagu.