Luke 20:1 - Sa Ugud Apudyus

¹ Sin-aḻgawan ḵad, nantuttudu'ḵ Jesus atte paway ni templo woḵ iwwaḻagawagna Ambaḻu we Damag. Pun ummoy ḵan siya da papangat da papadi, da mimistulun ni lintog ya da pallakayon da Judyu.

Luke 20:1 Referans Kwoze

Acts 6:12

Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ.

Acts 4:1

Sissiya ḵade an-uguugud da Peter ḵan John atta tagu, dummatong da papadi, da Sadducee ya sa kapitan da guwaḻda'tte templo.

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Luke 20:2

Ḵananda ḵan siya, “Ibagam ud ḵan diḵani nu ngai ḵaḻabbongame angwa'tta anna? Ngai nangitod ḵan siḵa si annae ḵaḻabbongam?”