Luke 2:40 - Sa Ugud Apudyus

⁴⁰ Sa abeng ḵad, dummaḵoḻ, ḵummosdoḻ ḵan nasomḵan. Pun nas-om aḵ Apudyus ḵan siya woḵ binindisyunana.

Luke 2:40 Referans Kwoze

Luke 2:52

Aḵ Jesus ḵad, dummaḵoḻ ya amo nasomḵan woḵ nas-om aḵ Apudyus ya da tagu ḵan siya.

Luke 1:80

Aḵ John ḵade abengna, dummaḵoḻ woḵ lummaing ya pummigsa pammatina. Inninggaw atte bumbummaaw inggana'ḵ dummatong tumoḵwaḻana ta antuttudu'tta ganaḵ Israel.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

Luke 2:47

Da losane nandongoḻ ḵan siya, nataagda'tte laingna ya da isongbatna.

2 Timothy 2:1

Ḵan siḵae abengḵu, papigsaom pammatim mipagapu si ḵinabaḻun Jesu Kristu ḵan ditaḵu we niyossaan ḵan siya.

Ephesians 6:10

Annaya anungus ni ibagaḵ ḵan diḵayu. Pumigsa oḵyan da pammatiyu mipagapu si niyossaananyu ḵan Apu ya sa ummamdane ḵabooḻana.

Acts 4:33

Gapu si amode ḵabooḻane naatod atta apostol, tinaḵdoḻandae ummuli'ḵ Apu Jesus. Ḵad amod de ḵinabaḻun Apudyus we naatod ḵan dida.