Luke 2:11 - Sa Ugud Apudyus

¹¹ Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

Luke 2:11 Referans Kwoze

Matthew 1:21

Umanaḵ aḵ laḻaḵi ḵad ngadanam aḵ Jesus te taguwona da taguna ta adida madusa'tta basuḻda.”

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Luke 1:43

Ngai ḵad ain patogḵu we bisitaom, siḵae inan ni Apuḵ?

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

John 4:42

Ḵananda si bubai, “Daḵampun ogon atta imbagam namatiyanni te dingngoḻni ye mismu ḵad igammuni ye siya tuttuwae Anagu'tta tagu'tte lubung.”

Luke 2:4

Ummoy os aḵ Joseph we naḻpu'd Nazareth atte probinsiya'd Galilee nampalista'd Bethlehem atte probinsiya'd Judea te siya niyanaḵan Ari David we daḵdaḵoḻna.

Matthew 1:16

Aḵ Jacob aman Joseph. Ḵad aḵ Joseph asawan Mary ye nangiyanaḵ ḵan Jesus we awaganda'ḵ Kristu.

1 Corinthians 15:47

Sa ummunae tagu iluta te luta naḻpuwana. Yaḵon sa naudi ye tagu ad langit naḻpuwana.

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

Acts 17:3

Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.”

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 1:41

Ḵingwan ḵad Andrew, daguse ummoyna singngit sunudnae aḵ Simon woḵ ḵanana ḵan siya, “Indasanni Messiah.” Sa pion ni Messiah ugudon Kristu.

Matthew 16:20

Pun binilibilin Jesus da disipuluna ta adida paat ug-uggudon atta ngaimane tagu we siya'ḵ Kristu.

Colossians 2:6

Gapu ta inawatyu'ḵ Jesu Kristu aḵ Apuyu, ḵasapuḻane unudonyu antatagunae mibagay atte tagu we niyossaan ḵan siya.

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

John 11:27

Ḵanan Martha, “On Apu, amatiyaḵe siḵa Kristu we Abeng Apudyus we umali si annae lubung.”

John 7:41

Ḵanan da udum, “Siya Kristu we imbuun Apudyus.” Yaḵon ḵanan os da udum, “Naid! Sa Kristu, tuttuwae daḵampun aḵ maḻpu'tte probinsiya'd Galilee.

Luke 2:26

Sa awe, impaigammun ni Ispiritu Santu ḵan siyae adipun matoy inggana'ḵ ilana'ḵ Kristu we inkarin Apudyus.

Luke 1:69

Imbuunna ḵan ditaḵu Anagu we awad de ḵabooḻana, osa'tta ganaḵ Ari David we nanserbi ḵan Apudyus.

John 4:25

Pun ḵanan ni bubai, “Igammuḵe dumatong Messiah we awaganda'ḵ Kristu ḵad nu umali ipaigammuna ḵan ditaḵu da ngaiman.”

Acts 13:23

Sa annae Ari David siya daḵdaḵoḻ Jesus we imbuun Apudyus aḵ Anagu atta ganaḵ Israel we siya inkarina.