Luke 19:44 - Sa Ugud Apudyus

⁴⁴ Aminonda dadailon iliyu ya da losane tagu. Ḵad maamin miwalis da sana ta naippun mabun-an taḵon ay ossaane batu si igawna te adiyupun binigbig umaliyan Apudyus we anagu ḵan diḵayu.”

Luke 19:44 Referans Kwoze

Luke 21:6

“Ilanyu sinsadi da sana. Yaḵon sa umali ye aḻgaw, maamin miḵisob da sana ya miwalis ta naippun mabun-an taḵon ay ossaane batu si igawna.”

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

Luke 19:42

Pun ḵanana, “Diḵayu we iJerusalem, inigammuyu ḵad oḵyan da sana malin-awaan ḵayu. Yaḵon sinsadi, adiyupun lamog imatunan te nitataḻuda.

Luke 1:68

“Idaydayaw taḵu'ḵ Apu we Apudyus da ganaḵ Israel, te ummali ta subutona ditaḵu we taguna.

Matthew 24:2

Ḵanan Jesus, “Ilanyu sinsadi da losane ḵinabaḻun da sana. Yaḵon ibagaḵ ḵan diḵayu ḵatuttuwaan, sa umali ye aḻgaw, maamin miḵisob da sanat ya miwalis ya naippun mabun-an taḵon ay ossaane batu si igawna.”

Luke 1:78

Te aḵ Apudyus ḵumadagu ya naanus, pun ibuunna Anagu we naḻpu'd langite isuna inite dumingit.

Mark 13:2

Ḵanan Jesus, “Ilanyu sinsadi da annae danaḵḵoḻe boḻoy. Yaḵon sa umali ye aḻgaw, maamin miwaḵas da sana ya naippun mabun-an taḵon ay ossaane batu.”