Luke 19:42 - Sa Ugud Apudyus

⁴² Pun ḵanana, “Diḵayu we iJerusalem, inigammuyu ḵad oḵyan da sana malin-awaan ḵayu. Yaḵon sinsadi, adiyupun lamog imatunan te nitataḻuda.

Luke 19:42 Referans Kwoze

Hebrews 3:15

Ḵaḵna ḵanan ni Ugud Apudyus, “Sinsadi ye aḻgaw, nu dongngonyu Ugudna, adiyu patungitongon da somsomoḵyu we isun da danaḵḵoḻyu we summullagida ḵan Apudyus.”

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Hebrews 3:13

Yaḵon sa ḵoonyu, inaḻgaw oḵyane an-asisoḻgag ḵayu si awad timpuyu ta ippun maallelaw ḵan diḵayu'ḵ maḵabasuḻ ya tumungitong da somsomoḵyu.

Luke 19:44

Aminonda dadailon iliyu ya da losane tagu. Ḵad maamin miwalis da sana ta naippun mabun-an taḵon ay ossaane batu si igawna te adiyupun binigbig umaliyan Apudyus we anagu ḵan diḵayu.”

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Luke 19:41

Madam-an ḵad da Jesus ad Jerusalem, innilana sanae siyudad woḵ naḵaibil gapu si daguna.

Luke 19:43

Sa umali ye aḻgaw, liḵubon diḵayu'tta ḵabusuḻyu ya sondonda da losane maoy ta naippun inonyu we umawid. Ḵad umadanida ḵan diḵayu si losane suli.