Luke 18:9 - Sa Ugud Apudyus

⁹ Inug-uggud os Jesus ḵan dida annae pani'tta sanae antaḻgoddae naun-unanda ḵan potogonda da asintataguda.

Luke 18:9 Referans Kwoze

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 14:10

Nu aḵ Jesu Kristu Apu taḵu losan, naippun ḵaḻabbongan taḵu we anguwis ya anellaw atta susunud taḵu ḵan Kristu. Adi taḵu ḵoon ḵatti te nu anungus ni aḻgaw, losan taḵu sumangu maḵuwis ḵan Apudyus.

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Romans 7:9

Sa naḻaḵpuse aḻgaw, nat-opaḵ si nantataguḵ te adiḵpun inigammu ustu we pion ni lintog ḵanan. Yaḵon naawataḵ ḵad piona ḵanan, naawataḵ ose gagangaye ḵabasbassuḻanaḵ ya isuḵ natoye nisina ḵan Apudyus.

Luke 19:7

Yaḵon da losane nangila ḵanandae singngongonot, “Ngaipa umoy pamangili si boḻoy ni andi ye ḵabasbassuḻan?”

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

John 9:34

Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.

John 9:28

Pun nan-uguugudanda sadi ye laḻaḵi woḵ ḵananda, “Siḵa osa'tta disipuluna yaḵon diḵani disipulun Moses.

John 8:48

Pun ḵanan da Judyu, “Daḵampun ḵamman aḵ tuttuwa imbagani ye iSamariaḵa we naaḻanan?”

Luke 15:2

Pun da Pharisee ya da mimistulun ni lintog ḵanandae nallili, “Ilanyu ḵad annae tagu! Ngaipana pione maḵaug-uggud atta ḵabasbassuḻan ya taḵon ay os ḵaḵan midoga bos ḵan dida!”

Luke 10:29

Yaḵon piona panoḵnoḵane siya ḵad naun-unan. Pun ḵasinna bos ḵanane nan-imus ḵan Jesus, “Ngai asintataguḵ we ayatoḵ nu?”

Romans 14:3

Diḵayu we angan atta baḻangnae maḵan, adiyu oḵyan dellawon da angidiyan atta udume maḵan. Ḵad diḵayu bose angidiyan atta udume maḵan, adiyu bos dellawon da angan atta baḻangnae maḵan te inawat Apudyus dida'ḵ taguna.