Luke 18:22 - Sa Ugud Apudyus

²² Dingngoḻ ḵad Jesus, ḵanana ḵan siya, “Os-ossaan adimpun ḵingwa. Inḵa ingina da losane ḵuḵuwam ya iwaḻasnu bayadda'tta ḵaḵapus woḵ awad de binaḵnangnu we inggappot Apudyus ad langit. Umaliḵa, tun-udonaḵ.”

Luke 18:22 Referans Kwoze

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Matthew 19:21

Ḵanan Jesus ḵan siya, “Nu piom wadawadda ḵan siḵa, inḵa ingina da ḵuḵuwam ya ittom bayadna'tta ḵaḵapus woḵ awad de binaḵnangnu we inggappot Apudyus ad langit. Ḵad umaliḵa ta tun-udonaḵ.”

Luke 16:9

Pun annaya ibagaḵ ḵan diḵayu, usaronyu da binaḵnangyu'tte annae lubung aḵ maḵabuḻbuḻunanyu te dumatong ḵad timpu we maaminan ḵayu, awaton diḵayu'd langite inggawanyu'ḵ inggana.”

Luke 10:42

Taḵon ay nu ḵatti, os-ossaan ḵasasappuḻan. Siya annate pinilin Mary, sa ḵapatogane ippun paat maḵaaḻa.”

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.

Philippians 3:13

Susunudḵu ḵan Kristu, tuttuwae daanḵupun yan gun-udon da sana yaḵon sa ḵooḵ sinsana, umadiḵ ogon sosomḵon da ḵingwaḵ atte awe yaḵon siya ipapuut ni somsomoḵḵu daampun mituttuwa planun Apudyus ḵan saḵon.

Luke 9:23

Pune sadi, ḵanan Jesus, “Ngaimane piona mitun-ud ḵan saḵon, ḵasapuḻane an-awidana long-agna, buḵudona de krosna'tte inaḻgaw ya mitun-ud ḵan saḵon.

Luke 18:21

Ḵanana ḵan siya, “Inggan ay ni ḵaban-ogḵu, tinuttuwaḵ losan da sadi ye lintog.”

Luke 18:23

Dingngoḻna ḵad imbagan Jesus, amod de dadauyna te amod de binaḵnangna.