Luke 18:16 - Sa Ugud Apudyus

¹⁶ Yaḵon inayagan Jesus da abeng woḵ ḵanana'tta disipuluna, “Iyunudyu we umali da abeng ḵan saḵon. Adiyu paadiyon dida te da tagu we isuda midogada'tte ampangatan Apudyus.

Luke 18:16 Referans Kwoze

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 7:14

Te sa asawae adipun namati itotoḵḵon Apudyus gapu si pammatin asawana. Te nu daḵampun aḵ tuttuwa sana, adimpun oḵyan Apudyus ibelang da abengda'ḵ pummoḻḵas yaḵon imbelang Apudyus dida'ḵ pummoḻḵas.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”

Matthew 19:14

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

Luke 18:15

Sin-aḻgawan ḵad, inninggaw da nangiyoy atta abengda ya da utting ḵan Jesus ta ipatayna imana ya bindisyunana dida. Innilan ḵad da disipuluna, sinuppaḵanda dida.

Luke 18:17

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”