Luke 16:19 - Sa Ugud Apudyus

¹⁹ Ḵanan Jesus, “Inninggaw laḻaḵi ye baḵnange nansilup atta ampapatoge silupe naḵwa'tte purple we sinnun ḵad inaḻgawe nansida ya anggangganas.

Luke 16:19 Referans Kwoze

Revelation 18:16

Ḵananda, “Ḵaddaguḵa! Aman aḵay siyudade nandindinamag! Sin-aḵitan ay lawa nansilupanda'tta ampatoge silupe itaḵ, purple ya sa dilaag. Ḵad nan-am-ammada bos atta buḻawan, da ampatoge batu ya da perlas.

Revelation 18:7

Sa ḵinaadun ni ḵinabaḵnangna ḵan ḵinasoḵaḻna, ḵaḵnat os isun ni lopong ni ampaḵaḻamana ya sa domdomna. Te ḵanana'tte somsomoḵna, ‘Saḵon de queen we ampangat. Andomdomaḵ ḵammane isun di baḻu?’

Revelation 17:4

Sa silup ḵad ni sadi ye bubai, dilaag ḵan purple we isunan silup di ari. Ḵad naam-ammaan os atta buḻawan, sa ampatoge batu ya sa perlas. Innoonnana tasae buḻawane napnu'tta ḵadadagan ya da ḵaissawe ḵingwana.

Luke 16:1

Pun ḵanan os Jesus atta disipuluna, “Inninggaw osae anḵeḵewwaaḻon ni baḵnange nampatangḵonona'tta binaḵnangna. Inninggaw namabasuḻ ḵan siyae ḵanana, ‘Sa annae tagu tangtanggaona da ḵuḵuwan ni baḵnang.’

Mark 15:17

Sinilupanda'ḵ Jesus si dilaage isunan silup di ari. Pummaliḵugda bos atte naḻasiyane waḵaḻ woḵ imbaḻangatda ḵan siya.

Luke 15:13

“Naḻaḵpus ḵad sin-aḵitane aḻgaw, ingnginan ni udidi da losane billayna woḵ ummoy atte adayu we ili. Dummatong ḵad sidi, ginastuna pilaḵna'tta gaggatunge antatagu.

Mark 15:20

Inabusda ḵad inang-angyag, ḵinaanda dilaage langgoyode insilupda woḵ iggada ḵuwana pagaye silup. Pun innaḻada ta umoyda ipattoḻ atte kros.

Luke 16:18

Pun ḵanan os Jesus, “Ngaimane laḻaḵi ye angidang atte asawana ya ḵasin os angasawa'ḵ sabali ye bubai, maḵabasuḻ atte dagdagas. Isuna bos si laḻaḵi ye angasawa si inidangandae bubai, maḵabasuḻ os atte dagdagas.”

Luke 16:20

Inninggaw ḵapuse angngadan aḵ Lazarus we napaḵḵutan long-agna si gagatoḻ. Inaḻgawe umoyda igga si sawang ni boḻoy ni baḵnang,