Luke 15:6 - Sa Ugud Apudyus

⁶ Dumatong ḵad, ayagana da buḻbuḻunna ḵan daḻnigna ya ḵanana, ‘Anggangganas taḵu te indasaḵ pos pagay nataḻaḵe karneroḵ!’ ”

Luke 15:6 Referans Kwoze

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 15:24

Te sa annae abengḵu isun di natoy yaḵon annae natagu. Nataḻaḵ yaḵon annae naodasan.’ Pune sadi insaḻaddae nanggangganas.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

John 15:14

Diḵayu da buḻbuḻunḵu nu tuttuwaonyu da bilinḵu.

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

Luke 15:7

Iyyanungus Jesus ḵanan, “Annaya ibagaḵ ḵan diḵayu, ḵatti bose amod de ganas Apudyus ya da anghelna'd langit atte osae ḵabasbassuḻane ambabawi'tta basuḻna ya agaynae angwa nu sa ganasda'tta siyampuḻu ya siyame naun-unane tagu we adidapun ḵasapuḻane ambabawi'tta basuḻda ya adidapun agaye angwa.”

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.

1 Thessalonians 2:19

Pionni pagay umali te antaḻgod ḵani ye ipapatiyu we amati. Ḵad gapu si sadi, maganasan ḵani si mipanggob ḵan diḵayu. Ḵad nu umali ḵasin aḵ Apu taḵu we Jesu Kristu, antaḻgod ḵani ye misangu ḵan siya te diḵayu da ambaḻu we nambanagan ni ḵewaaḻni.

Philippians 4:1

Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Luke 1:58

Dingngoḻ ḵad da ḵailiyanda ya da susunudda da nakaskasdaawe ḵadagun Apudyus ḵan siya, naḵalaylayadda.

Luke 15:5

Ḵad nu odasana, amod de layadna ya buḵudonae umoyon.