Luke 14:24 - Sa Ugud Apudyus

²⁴ Annaya ibagaḵ ḵan diḵayu, naippun osa'tta ummunae inayagaḵ aḵ animsim atte insaganaḵe maḵan.’ ”

Luke 14:24 Referans Kwoze

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Matthew 22:8

Pun ḵanan ni Ari atta udume sammiluna, ‘Insagsaganaḵ da losane ḵasapuḻan si annae kasar yaḵon gapu ta adipun ummali da tagu we inayagaḵ, adidapun oḵyan miyunude umali si gayagaya.

John 8:24

Ḵanaḵe nangibaga ḵan diḵayu, ‘Matoy ḵayu we adipun napakawan da basuḻyu nu adi ḵayu amati ye saḵone mismu sadi ye imbagaḵ.’ ”

John 3:19

Annaya gapunae maḵuwisda. Ummali si annae lubung sadi ye ngannonda Silawe anilaw atta an-aawat taḵu mipanggob ḵan Apudyus yaḵon siya dinumaon da tagu pongot nu sa silaw te lawweng ḵoḵoḵḵonda.

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

Luke 14:23

Ḵanan ni apuna, ‘Inḵa'tta baḻangnae daḻan ḵan lugar ta inḵa ayagan da udum aḵ umali midoga maḵaḵan ta mapnu boḻoyḵu.

Luke 14:25

Sin-aḻgawan ḵad, nitun-ud da adu we tagu ḵan Jesus. Pun nansagung ḵan dida woḵ ḵanana,